ÆÆÆÆ…..mig langar út til Ecuador að hitta strákana mína.  FABRI darling átti afmæli í gær og ætla allir strákarnir að hittast heima hjá honum í nýju íbúðinni og djamma feitt í kvöld. 

Annars er allt gott að frétta af þessum ezzzkum, Fabri er búinn að útbúa sér “Gunnu herbergi” sem bíður eftir mér….deildum herbergi hér áður og var það ekki vandamál nema þegar við vorum að hösla einhverja sæta stráka og draga þá með okkur heim….  Fabri býr einn með henni Lucy, sem er nýji bíllinn hans…svona Lucifer rauður     Hann er að gera það gott í vinnunni, vinnur sem grafískur hönnuður hjá einni stærstu auglýsingastofu í Ecuador…og by the way strákar hann er á lausu. 

                  Gunna, Fabricio P (í rauðu), FABRI, Ítalinn og Fabrizzio C

Ricardo er ný búinn að kaupa sér sumar villu á ströndinni og skilst mér að þar sé annað “Gunnu herbergi”……við vorum oft um 20 manns í strandferðunum okkar og sváfum saman í einni hrúgu og auðvitað var ég eina stelpan  Julio býr núna í Venezuela þar sem hann er yfirmaður í Neztle verksmiðju og auðvitað bíður þar annað “Gunnu herbergi”, sundlaug, tennisvöllur og machuchines (gigalóar !!!).  Fabricio P ræktar enn sína eðalhunda og fer með þá á sýningar um alla Suður Ameríku og USA.  Alex býr í New York og er kominn á markaðinn aftur, ný hættur í 8 ára sambúð með Ronald.  Omar og Patricio eru enn að deita alla gigalóana og Rafael er orðin flugfreyja.

Fékk póst um daginn frá Fabrizzio Celleri og er hann alveg að meika það.  Hann er svona “tískulögga” þeirra í Ecuador.  Var með sjónvarpsþátt um tísku, rak hárgreiðslustofu fyrir fína fólkið og mig auðvitað  og starfaði líka sem fatahönnuður.  Það eru 3 ár síðan hann flutti til Miami og gengur meiriháttar vel í bransanum.  Hefur m.a. hannað föt fyrir Britney Spears og Christinu Aquilera og music videoin þeirra…..ég reikna fastlega með að efniskostnaðurinn hafi ekki verið mikill, þær eru alltaf hálf naktar....